Ryan Ponce Pacpaco
People's Taliba

TAPOS na ang Pinoy Big Brother Teen Edition ng ABS-CBN Channel 2, pero talagang masayang-masaya si House Minority Leader at Sorsogon Rep. Francis ‘Chiz’ Escudero sa pagkakapanalo ni Chinese-Filipino Kimberly ‘Kim’ Chiu ng Cebu na kanyang sinuportahan nang husto.
 
Sinabi ni Escudero, secretary general ng United Opposition (UNO) na naghahanda sa ikalawang impeachment complaint laban kay Pangulong Arroyo, na ‘tumaya’ siya kay Kim na hinangaan niya ang kagandahan at ang positibong imahe upang magbigay ng inspirasyon sa mga kabataan.
 
“Nothing really (wish) except that she was my bet to win from the start,” ani Escudero.
 
Inamin ni Escudero na nalungkot siya sa pagkakasibak sa Big Four ng isa rin sa kanyang sinusuportahan at hinahangaang single-mom na si Jamilla.
 
Umaasa naman sina Agusan del Sur Rep.  Rodolfo ‘Ompong’ Plaza, Anak Mindanao Rep.  Mujiv Hataman at An Waray Rep.  Florencio “Bem” Noel na magsisilbing magandang halimbawa ang grupo ni Kim.